Awesome shayari

Hindi Shayari Images, Quotes, Latest Song Lyrics

April 8, 2017

Koi tumse mera naam jo puche


Ladki ladke se aakhir baar milne aayi hai

Wo ladke se keheti hai - Tum mujhe bhool jao..Main ab kisi aur ki hone jaa rahi hun..
Kal meri shaadi hai.

Ladka chupchap usse dekhta rheta hai..

Ladki phir kehti hai - kuch bologe nahi..

Ladka muskuraata hai aur kehta hai..


Koi tumse mera naam jo puche
To keh dena ek pagal sa ladka tha
Iss jhuthi duniya mein 
Mujhse sachi mohabbat karta tha.
Mere roothne par wo ro deta
Mere daant par bhi khush ho leta
Himmatwala tha yun to 
Par mujhko khone se darta tha
Koi tumse mera naam jo puche
To keh dena ek pagal sa ladka tha

Mujhse milne ki khatir wo 
Baarish me bhig kar aata tha
Koi aur nahi tha uska bas
Mujhme me hi jeeta marta tha
Koi tumse mera naam jo puche
To keh dena ek pagal sa ladka tha

Galti meri bhi hone par 
maffi ki guzarish karta tha
Har haal me mein hasti jaaun
Iss kosish me wo reheta tha
Mein kaisi uski ho jaaungi
Har pal ye socha karta tha
Koi tumse mera naam jo puche
To keh dena ek pagal sa ladka tha

Main laakh mana karne par bhi
Mera naam jor se leta tha
Meri ek hansi ki khaatir wo
Kuch gaane bhi gaa deta tha
Mera haath pakad kar duniya se wo
ladhne ki baate karta tha
Koi tumse mera naam jo puche
To keh dena ek pagal sa ladka tha

Mujhse milne se pehele wo
Duniya me bahot akela tha
Jab peheli baar use dekha
To chehre pe dard ka mela tha
Mere saath me thi wo baate ki
Hardam he hasta reheta tha
Koi tumse mera naam jo puche
To keh dena ek pagal sa ladka tha

Jab neend mujhe nahi aati thi
Wo daant ke mujhe sulata tha
Apni paglai baaton se 
Aksar wo mujhe rulata tha
Uska jeevan to bikhra tha
Par mera khayal wo rakhta tha
Koi tumse mera naam jo puche
To keh dena ek pagal sa ladka tha

Kuch majbooriyan meri thi
Jab maine usse haath chhudaya tha
Usne na koi shikayat ki
Bas dheere se muskaya tha
Meri he yaadon me raaton me
Uth uth kar roya karta tha
Koi tumse mera naam jo puche
To keh dena ek pagal sa ladka tha

Wo pagal ladka tanha hi
Meri yaadon se ladta hai
Mere bin zinda rehene ki
Naakam wo kosish karta hai
Wo aaj bhi mujhpe marta hai
Wo kal bhi mujhpe marta tha
Koi tumse mera naam jo puche
To keh dena ek pagal sa ladka tha